SCOITAR AOS políticos de turno, fai dúas semanas tan só, dicir que axiña poderemos prescindir da máscara en exteriores foi unha boa nova, unha barreira que ía caer e empezaría este primeiro de agosto a desexada normalidade. Máscara, normalidade, distancia social, espazos ventilados… son termos e expresións que soaron nas parolas de políticos de todas as ideoloxías.

E un que é un inxenuo vai e creuno, todo fose para conservar a saúde. Algún chegou a dicir que polo 20 de agosto chegaría a España a inmunidade de grupo. E a cousa ía vento en popa e ata chegar á franxa dos 30 a imensa maioría das persoas acudían a poñer as vacinas. Só unha minoría, baixo as máis extrafalarias e mentireiras teorías non o facía.

E chegouse aos mais xóvenes e esa porcentaxe baixou en picado, din, e ieso que se presumía por todos os recunchos que tiñamos a xuventude mellor prepara da historia, pois toma fraseciña. O egoísmo e a insolidariedade son unhas das peores secuelas que aniñan na condición humana.

Algúns non teñen inconvinte algún en menosprezar as reco

Emendacións dos científicos na súa tolemia festeira, a pesar dos datos que ofrecen os responsables de Sanidade onde se constata un elevado aumento dos contaxios e ingresos en hospitais derivados da pandemia de Covid-19.

As recomendacións aconsellan non celebrar eventos multitudinarios. Os peches, as atracións, as casetas, a música, o botellón, atraen a milleiros de persoas, en gran parte novos, idade máis propicia aos contaxios, que se concentrarán nuns espazos onde aplicar medidas de seguridade é practicamente inviable; esperemos que as autoridades correspondentes que teñen que dar o visto e prace sexan conscientes da situación e teñan máis lucidez e deneguen os correspondentes permisos para celebrar as festas ou derivados. A este respeto o que pido á Xunta é que dea subencións aos nosos músicos que levan dous anos sin poder traballar cos cartos que gasta en festivais.

Segundo como evolucione a pandemia pódense celebrar festas máis adiante, o vindeiro ano ou o seguinte con menos riscos para a saúde.

Aínda que se atopen de imbuidos de ignorancia e prepotencia, algúns deben pensar que a vida non remata por que non se celebren as festas patronais, Pódense estudar alternativas, aplicando todas as medidas de seguridade necesarias e cumplilas ou facer cumplilas descentralizando as actuacións por barrios, promocionando actividades lúdicas, culturais e deportivas ao aire libre, etc. Sería procedente, ademais de estar ao día da evolución da pandemia, solicitar a opinión dos profesionais da sanidade, tanto da Comunidade como do hospital e centros de saúde do noso municipio; seguramente, tras as necesarias explicacións destes profesionais, teñan a necesaria lucidez para cancelar os festexos.

Voltar ás andadas pódenos levar a consecuencias negativas para a saúde dos asistentes aos eventos, tanto veciños como foráneos, máis os previsibles contaxios a amigos e familiares. E aos negacionistas, que pensen que ata o Papa foi o primeiro en vacinarse.